കണ്ണൂര്‍: തൊഴിലുറപ്പ് തൊഴിലാളികളുമായി സംസാരിക്കുന്നതിനിടെ കെ.കെ ശൈലജ പറഞ്ഞ വാക്കുകള്‍ക്ക് സമൂഹമാധ്യമങ്ങളില്‍ ട്രോള്‍. കേരളത്തില്‍ എല്‍.ഡി.എഫ് സര്‍ക്കാര്‍ അധികാരത്തിലുള്ളതുകൊണ്ട് മാത്രമാണ് തൊഴിലാളികള്‍ക്ക് ഓണത്തിന് പ്രത്യേക അലവന്‍സ് ലഭിക്കുന്നതെന്നും ബി.ജെ.പിയോ കോണ്‍ഗ്രസോ ഭരിക്കുന്ന മറ്റ് സംസ്ഥാനങ്ങളില്‍ ഇത്തരമൊരു ആനുകൂല്യം നല്‍കുന്നില്ലെന്നുമായിരുന്നു ശൈലജയുടെ അവകാശവാദം. ഇതോടെയാണ് സമൂഹമാധ്യമങ്ങളില്‍ ശൈലജയ്ക്ക് ട്രോള്‍ മഴ തുടങ്ങിയത്. 

കേരളത്തിന്റെ തനത് ഉത്സവമായ ഓണത്തിന് മറ്റ് സംസ്ഥാനങ്ങള്‍ എന്തിനാണ് ബോണസ് നല്‍കുന്നത് എന്ന ലളിതമായ ചോദ്യമാണ് ട്രോളന്‍മാര്‍ ഉയര്‍ത്തിയത്. മറ്റ് സംസ്ഥാനങ്ങള്‍ അവരുടെ പ്രാദേശിക ഉത്സവങ്ങളായ ദീപാവലിക്കോ പൊങ്കലിനോ നല്‍കുന്ന ആനുകൂല്യങ്ങള്‍ വിസ്മരിച്ചുകൊണ്ടാണ് ടീച്ചറുടെ ഈ പരാമര്‍ശമെന്നാണ് വിമര്‍ശകര്‍ ചൂണ്ടിക്കാട്ടുന്നത്. 

'സൗദി അറേബ്യയില്‍ ഓണത്തിന് കിറ്റ് നല്‍കാത്തത് യു.ഡി.എഫിന്റെ പരാജയമാണോ' എന്നും 'അമേരിക്കയില്‍ ഓണാവധി നല്‍കാത്തത് എന്താണെന്നും' ഒക്കെയാണ് വീഡിയോയ്ക്ക് താഴെ കമന്റുകള്‍ വരുന്നത്. ദീപാവലിക്കും ദസറയ്ക്കും എല്‍.ഡി.എഫ് സര്‍ക്കാര്‍ അലവന്‍സ് കൊടുക്കാറുണ്ടോ എന്ന ചോദ്യവും ഉയരുന്നുണ്ട്. 

Former minister K.K. Shailaja has come under social media criticism following her remarks to MGNREGA workers in Kannur regarding the Onam allowance. Shailaja stated that workers receive a special allowance for Onam only because the LDF is in power in Kerala, claiming that no other state governed by the BJP or Congress provides such benefits.