റിയാദ്: സിറിയന്‍ പ്രശ്‌ന പരിഹാരത്തിനു നിലവില്‍ സ്ഥിതിഗതികള്‍ അവലോകനം ചെയ്യാന്‍ അറബ് ലീഗ് ബുധനാഴ്ച്ച യോഗം ചേരും. ശാശ്വത പരിഹാരത്തിനായി വേണ്ട നിര്‍ദേശങ്ങളും യോഗം വിശകലനം ചെയ്യും. യു എന്‍ സ്‌പെഷ്യല്‍ സിറിയന്‍ സമാധാന സംഘത്തിലെ അംഗം സിറിയന്‍ അംബാസിഡര്‍ റംസി ഇസല്‍ദിന്‍ റംസിയും യോഗത്തില്‍ സംബന്ധിക്കും. അറബ് ലീഗ് ആസ്ഥാനത്തു ചേരുന്ന യോഗത്തില്‍ സിറിയയിലെ അവസാന സ്ഥിതിഗതികള്‍ അദ്ദേഹം യോഗത്തില്‍ അവതരിപ്പിക്കുമെന്നും വെടിനിര്‍ത്തല്‍ തുടര്‍ന്ന് പോകാനുള്ള മാര്‍ഗ്ഗ നിര്‍ദേശങ്ങളും ചര്‍ച്ച ചെയ്യുമെന്നും അറബ് ലീഗ് അംഗ രാജ്യ പ്രതിനിധികള്‍ പറഞ്ഞു.