പാറ്റ്‌ന: ബിഹാറിലെ മാധ്യമപ്രവര്‍ത്തകനായ രാജ്ദിയോ രഞ്ജന്റെ കൊലപാതകവുമായി ബന്ധപ്പെട്ട് അഞ്ചുപേരെ അറസ്റ്റ് ചെയ്തതായി പൊലിസ്. സിവാന്‍ ജില്ലയില്‍ നിന്നാണ് അഞ്ചുപേരെയും അറസ്റ്റ് ചെയ്തത്. അറസ്റ്റിലായവരില്‍ നിന്നും 7.65 ബോര്‍ അളവുള്ള തോക്കും മൂന്നു മോട്ടോര്‍ സൈക്കിളും പൊലിസ് കണ്ടെടുത്തതായി എ.ഡി.ജി സുനില്‍ കുമാര്‍ അറിയിച്ചു.
രോഹിത് കുമാര്‍, വിജയക് കുമാര്‍ ഗുപ്ത, രാജേഷ് കുമാര്‍, ഇഷു കുമാര്‍, സോനു കുമാര്‍ ഗുപ്ത എന്നിവരാണ് പൊലിസ് അറസ്റ്റ് ചെയ്തവര്‍. ഇതില്‍ രോഹിത് കുമാറിനു ആക്രമത്തില്‍ പരുക്കേറ്റതിനെ തുടര്‍ന്ന്
ആശുപത്രിയില്‍ അഡ്മിറ്റ് ചെയ്തിരുന്നു.
കൂടുതല്‍ ആളുകള്‍ കൊലപാതകവുമായി ബന്ധമുണ്ടെന്നും അവര്‍ക്കുവേണ്ടി അന്വേഷണം നടക്കുന്നുണ്ടെന്നും പൊലിസ് അറിയിച്ചു. കൊല്ലപ്പെട്ട രാജ്ദിയോ രഞ്ജന്‍ വെര്‍ണാകുല്‍ പത്രത്തിന്റെ ബ്യൂറോ ഹെഡ് ആണ്. മെയ് 13ന് വൈകീട്ടാണ് ഇദ്ദേഹത്തെ വെടിവച്ചു കൊന്നത്.
കൊലപാതകവുമായി ബന്ധപ്പെട്ട ആര്‍.ജെ.ഡി നേതാവ് ഉപേന്ദ്രസിങിനെ അറസ്റ്റ് ചെയ്തിരുന്നു.