മാവൂര്‍: റവന്യൂ ജില്ലാ അറബി അധ്യാപക സംഗമത്തിന്റെ ഭാഗമായി പുവ്വാട്ടുപറമ്പില്‍ നടന്ന അധ്യാപക മത്സരത്തില്‍ 75 പോയിന്റ് നേടി ബാലുശ്ശേരി ഉപജില്ലയ്ക്ക് ഓവറോള്‍ കിരീടം. 70 പോയിന്റ് നേടിയ ഫറോക്ക് ഉപജില്ലക്കാണ് രണ്ടാം സ്ഥാനം.65 പോയിന്റോടെ കുന്നുമ്മല്‍ ഉപജില്ല മൂന്നാം സ്ഥാനത്തെത്തി.
പുവ്വാട്ടുപറമ്പ് വി.പി ഓഡിറ്റോറിയത്തില്‍ നടന്ന അധ്യാപക സംഗമം ടി.പി ചെറൂപ്പ ഉദ്ഘാടനം ചെയ്തു. സ്വാഗത സംഘം ചെയര്‍മാന്‍ പി.കെ ശറഫുദ്ദീന്‍ അധ്യക്ഷനായി. ഗ്രാമപഞ്ചായത്ത് അംഗം എന്‍.കെ മുനീര്‍, അക്കാദമിക് ടീച്ചേഴ്‌സ് കോംപ്ലക്‌സ് റവന്യൂ ജില്ലാ കണ്‍വീനര്‍ കെ.കെ അബ്ദുല്‍ ജബ്ബാര്‍, കെ.എ.ടി.എഫ് ജില്ലാ പ്രസിഡന്റ് മുഹമ്മദലി, കെ.എ.എം.എ ജില്ലാ പ്രസിഡന്റ് ബഷീര്‍ പ്രസംഗിച്ചു. ഐ.എം.ഇ കീലത്ത് അബ്ദുറഹിമാന്‍ സ്വാഗതവും പി.പി ജാഫര്‍ നന്ദിയും പറഞ്ഞു. സമാപന സമ്മേളനം ഗ്രാമ പഞ്ചായത്ത് പ്രസിഡന്റ് വൈ.വി ശാന്ത ഉദ്ഘാടനം ചെയ്തു.
കോഴിക്കോട് ഐ.എം.ഇ കെ സുലൈഖ അധ്യക്ഷയായി.
ഗ്രാമ പഞ്ചായത്ത് വൈസ് പ്രസിഡന്റ് കെ. ജുമൈല സമ്മാനദാനം നിര്‍വഹിച്ചു. ഉമ്മര്‍ ചെറൂപ്പ സ്വാഗതവും പി.അബ്ദുല്‍ ഹമീദ് നന്ദിയും പറഞ്ഞു.