തൃശൂര്‍: മണപ്പുറം സാംസ്‌കാരിക സദസ് ഏര്‍പ്പെടുത്തിയ സ്വാമി സത്യദേവന്‍ സ്മാരക പുരസ്‌കാരം കഥാപ്രസംഗ കലാകാരനായ ഇടക്കൊച്ചി സലിംകുമാറിന് സമ്മാനിക്കുമെന്ന് ഭാരവാഹികള്‍ പത്രസമ്മേളനത്തില്‍ അറിയിച്ചു. 11,111 രൂപയും വെങ്കല ശില്‍പവും വീരാളിപ്പട്ടും ബഹുമതി പത്രവും അടങ്ങുന്നതാണ് പുരസ്‌കരം.
നാട്ടിക സര്‍വീസ് കോ-ഓപ്പറേറ്റീവ് ബാങ്ക് ഓഡിറ്റോറിയത്തല്‍ 29ന് വൈകിട്ടു 3ന് നടക്കുന്ന സമ്മേളനത്തില്‍ പുരസ്‌കാരം സമ്മാനിക്കും. സമ്മേളനം ഗീതാ ഗോപി എംഎല്‍എ ഉദ്ഘാടനം ചെയ്യും.
മണപ്പുറത്തെ കഥാപ്രസംഗകന്‍ പി. രാംകുമാര്‍ പൊഴേക്കടവിലിനെ ആദരിക്കും. പി.എം. ജോണ്‍ രചിച്ച് അവലോകനം പബ്ലിക്കേഷന്‍സ് പ്രസിദ്ധീകരിക്കുന്ന 'ദൈവങ്ങളുറങ്ങുന്ന കാഞ്ഞിരക്കൊല്ലി'എന്ന ദേശചരിത്രകൃതിയുടെ മൂന്നാം പതിപ്പിന്റെ പ്രകാശനവും നടക്കും.