നെടുങ്കണ്ടം: കമ്പംമെട്ട് പൊലിസ് രണ്ട് കേസുകളുലായി നാല് യുവാക്കളെ കഞ്ചാവുമായി പിടികൂടി. ഇന്നലെ രാവിലെ 9 മണിയോടെയാണ് ആദ്യ കേസ് പിടികൂടുന്നത്.
കേസില്‍ ആലുവ മൂക്കന്നൂര്‍ ഇടത്തറശേരിയില്‍ നിഖില്‍(28), അങ്കമാലി തുറവൂര്‍ ആലിംഗപറമ്പില്‍ അഖില്‍(22), വലിയോരിപ്പറമ്പില്‍ ആഷിക്(22) എന്നിവരാണ്  പിടിയിലായത്. ഇവരില്‍ നിന്ന് 400 ഗ്രാം കഞ്ചാവും പിടിച്ചെടുത്തു. കമ്പംമെട്ട് ചെക്ക്‌പോസ്റ്റില്‍ പൊലിസിന്റെ കണ്ണുവെട്ടിച്ച് രക്ഷപെടാന്‍ നോക്കിയ പ്രതികളെ കട്ടപ്പന പൊലിസാണ് പിടികൂടി കമ്പംമെട്ട് പൊലിസിന് കൈമാറിയത്.  നിഖിലിനെതിരെ നിരവധി കേസുകള്‍ നിലവിലുണ്ട്.
രണ്ടാമത്തെ കേസില്‍ തൃശൂര്‍ ഒല്ലൂര്‍ പൊന്നമ്പലത്ത് വിവേക്(22) ആണ് ഇന്നലെ 11.30 ഓടെ  പിടിയിലായത്. ഇയാളില്‍ നിന്നും 170 ഗ്രാം കഞ്ചാവും കണ്ടെടുത്തു.
അടുത്തിടെ വന്‍തോതില്‍ യുവാക്കള്‍ കഞ്ചാവ് കടത്തിന് എത്തുന്നത് പൊലിസിനെ ആശങ്കയിലാഴ്ത്തിയിരിക്കുകയാണ്. വില്‍പ്പനയ്ക്കും സ്വന്തം ഉപയോഗത്തിനുമായാണ് ഇവര്‍ കമ്പത്തുനിന്നും കഞ്ചാവ് കടത്തുന്നത്.
ചെറിയ അളവിലുള്ള കഞ്ചാവ് കടത്തിന് ജാമ്യം ലഭിക്കും.
പ്രതികളെ കോടതിയില്‍ ഹാജരാക്കി. കമ്പംമെട്ട് എസ് ഐ കെ എ ഷാജിയുടെ നേതൃത്വത്തിലുള്ള സംഘമാണ് ഇരുകേസുകളും പിടികൂടിയത്.