HOME
DETAILS

അകക്കണ്ണിന്റെ കാഴ്ചയില്‍ അടുക്കള വിഭവമൊരുക്കാന്‍ ഇനി യുവതികളും

  
backup
December 28 2018 | 05:12 AM

akakkann3548754151

 

കൊണ്ടോട്ടി: അകക്കണ്ണിന്റെ വെളിച്ചത്തില്‍ മേശയില്‍ നിരത്തിയ ഭക്ഷണ വസ്തുക്കള്‍ സ്പര്‍ശിച്ചും വാസനിച്ചും പാചക പരിശീലനം നേടി യുവതികള്‍. പുളിക്കല്‍ ജിഫ്ബി (ഗ്ലോബല്‍ ഇസ്‌ലാമിക് ഫെഡറേഷന്‍ ഓഫ് ദി ബ്ലൈന്‍ഡ്)യിലാണ് അകക്കണ്ണ് കാഴ്ചയില്‍ അടുക്കള വിഭവമൊരുക്കാന്‍ യുവതികള്‍ പരിശീലനം നേടിയത്.
കാഴ്ചയില്ലാത്ത വനിതകളെ ഒറ്റപ്പെടലുകളില്‍ നിന്ന് ചെറുത്ത് നില്‍ക്കാനാണ് അസ്സബാഹ് സൊസൈറ്റിയുടെ നേതൃത്വത്തില്‍ ഹോം മാനേജ്‌മെന്റ് പരിശീലനം നല്‍കിയത്. ജിഫ്ബിയിലെ പഠിതാക്കള്‍ ഉള്‍പ്പെടെ 50 പേര്‍ പാചക പരിശീലനം നേടി. സ്റ്റൗ കത്തിച്ച് പാചകം ചെയ്യുന്നതുവരെയാണ് പരിശീലനം.
നിലവില്‍ കുട, സോപ്പ്, പെനോയില്‍ ഉള്‍പ്പെടെയുള്ള വസ്തുക്കള്‍ ജിഫ്ബിയിലെ കാഴ്ചയില്ലാത്തവരുടെ നേതൃത്വത്തില്‍ നിര്‍മിക്കുന്നുണ്ട്. ഹോം മാനേജ്‌മെന്റ് കോഴ്‌സ് ജില്ലാ പഞ്ചായത്ത് വൈസ് പ്രസിഡന്റ് സക്കീന പുല്‍പ്പാടന്‍ ഉദ്ഘാടനം ചെയ്തു. ജില്ലാ പഞ്ചായത്തംഗം സെറീന ഹസീബ് അധ്യക്ഷയായി. ഇരുവരും കണ്ണുകെട്ടി കാഴ്ചയില്ലാത്തവര്‍ക്കൊപ്പം പാചക പരിശീലനത്തില്‍ പങ്കാളികളായി. രഞ്ജിന ടീച്ചര്‍ നേതൃത്വം നല്‍കി. അസ്സബാഹ് സൊസൈറ്റി സംസ്ഥാന പ്രസിഡന്റ് അബ്ദുല്‍ കരീം മാസ്റ്റര്‍, പി.ടി മുഹമ്മദ് മുസ്തഫ മാസ്റ്റര്‍, പി.അബ്ദുല്‍ഗഫൂര്‍, ഹംസ ഇരിങ്ങല്ലൂര്‍, മുനീറചാലിയം, നദീറ മുനീബ്, ഷാഹിന, ജസീല സംസാരിച്ചു.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."