മലയാളികളുടെ വീടുകളില്‍ ഒട്ടും അപരിചിതമായ വസ്തുവല്ല കഞ്ഞിവെള്ളം. എന്നാല്‍ നമ്മളില്‍ പലരും ശരിയായ രീതിയില്‍ ഉപയോഗിക്കാതെ കഞ്ഞിവെള്ളം പാഴാക്കുകയാണ് ചെയ്യുന്നത്. എന്നാല്‍ മുടിവളര്‍ച്ചക്ക് കഞ്ഞിവെള്ളം വളരെയധികം സഹായിക്കും എന്ന റിപ്പോര്‍ട്ടുകളാണിപ്പോള്‍ പുറത്ത് വരുന്നത്.വിറ്റാമിന്‍ ബി, വിറ്റാമിന്‍ സി, പൊട്ടാസ്യം, മഗ്‌നീഷ്യം, സെലിനിയം, ഫോസ്ഫറസ്, അമിനോ ആസിഡുകള്‍ എന്നിവയും അതിലേറെയും പോഷകങ്ങള്‍ കഞ്ഞി വെള്ളത്തില്‍ അടങ്ങിയിട്ടുണ്ട്. 

ഇതില്‍ തന്നെ മുടിയുടെ വളര്‍ച്ചക്കും മറ്റും വളരെ അത്യന്താപേക്ഷിതമായ ഘടകമാണ് അമിനോ ആസിഡ്. ഇതിന് പുറമെ കഞ്ഞിവെള്ളത്തില്‍ അടങ്ങിയിരിക്കുന്ന ഇനോസിറ്റോള്‍ അകാല മുടി കൊഴിച്ചില്‍ തടയുന്നു.കഞ്ഞിവെള്ളത്തിനൊപ്പം കറിവേപ്പിലയും ഉലുവയും ചേര്‍ത്തുള്ള കൂട്ടുകള്‍ മുടിയുടെ വളര്‍ച്ചക്ക് വലിയ സഹായം ചെയ്യും എന്നാണ് ആരോഗ്യവിദഗ്ധര്‍ അഭിപ്രായപ്പെടുന്നത്. കുറച്ച് ഉപ്പ് ഇട്ട  കഞ്ഞിവെള്ളം പിറ്റേദിവസം ഉപയോഗിച്ച് മുടി കഴുകിയാല്‍ മുടിയുടെ കരുത്ത് കൂടുകയും,വളര്‍ച്ച പ്രോത്സാഹിപ്പിക്കുകയും ചെയ്യും.

കറിവേപ്പില പേസ്റ്റും അല്‍പം കഞ്ഞി വെള്ളവും യോജിപ്പിച്ച് തലയില്‍ പുരട്ടുക. ഉണങ്ങി കഴിഞ്ഞാല്‍ ഷാംപൂ ഉപയോ?ഗിച്ച് തല കഴുകുക. ഇതും മുടിയ്ക്ക് ഏറെ ഗുണകരമായ ഹെയര്‍ പായ്ക്കാണ്. മുടി വളരാന്‍ ഇതേറെ നല്ലതാണ്.