ബംഗ്ലാദേശ് പ്രധാനമന്ത്രി ഷെയ്ഖ് ഹസീന രാജിവച്ചു
ധാക്ക: ബംഗ്ലാദേശിൽ സർക്കാരിനെതിരായ പ്രക്ഷോഭം ശക്തമാകുന്നതിനിടെ പ്രധാനമന്ത്രി ഷെയ്ഖ് ഹസീന രാജിവച്ചു.രാജ്യം വിട്ടതായും റിപ്പോര്ട്ടുകളുണ്ട്. പ്രധാനമന്ത്രിയുടെ രാജി ആവശ്യപ്പെട്ട് ആയിരക്കണക്കിന് പ്രക്ഷോഭകാരികൾ ധാക്കയിലെ സെൻട്രൽ സ്ക്വയറിലെത്തിയിരിക്കുകയാണ്.
കഴിഞ്ഞ ദിവസമുണ്ടായ വിദ്യാര്ഥിപ്രക്ഷോഭത്തില് 98 പേര് കൊല്ലപ്പെട്ടു. ഇരുനൂറിലേറെപ്പേര്ക്ക് പരുക്കേറ്റു. പ്രക്ഷോഭകര്ക്കെതിരേ ഭരണകക്ഷിയായ അവാമിലീഗ് പ്രവര്ത്തകര് രംഗത്തുവന്നതാണ് സംഘര്ഷത്തില് കലാശിച്ചത്. 14 പൊലിസുകാരും കൊല്ലപ്പെട്ടു. 13 ജില്ലകളില് സംഘര്ഷമുണ്ടായി.
സർക്കാർ ജോലിയിലെ സംവരണ വിഷയത്തിൽ തുടങ്ങിയ പ്രക്ഷോഭം സർക്കാരിനെതിരായ സമരമായി മാറുകയായിരുന്നു. സംവരണ വിഷയത്തിൽ ദിവസങ്ങൾക്കു മുന്പ് നടന്ന സംഘർഷങ്ങളിൽ ഇരുന്നൂറിലധികം പേർ കൊല്ലപ്പെട്ടിരുന്നു. ഇതു കെട്ടടങ്ങിയതിനു പിന്നാലെയാണു സർക്കാരിനെതിരെ പ്രക്ഷോഭം ആരംഭിച്ചത്.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."