മാഹി: ലാഭം നോക്കി പെട്രോളും ഡീസലുമടിക്കാൻ മാഹിയിലേക്ക് പോകുന്നവർക്ക് തിരിച്ചടി. ജനുവരി ഒന്നു മുതൽ മാഹിയിൽ പെട്രോളിനും ഡീസലിനും ലിറ്ററിന് മൂന്നര രൂപയോളമാണ് വർധിക്കുന്നത്. കേന്ദ്രഭരണ പ്രദേശമായ പുതുച്ചേരിയിലെ പരിഷ്കരിച്ച മൂല്യവ‍ർധിത നികുതിയുടെ ഭാഗമായാണ് വില വർധന. വെള്ളിയാഴ്ച ലെഫ്റ്റ്നന്റ് ഗവർണർ കെ കൈലാഷനാഥനാണ് തീരുമാനം പ്രഖ്യാപിച്ചത്. 

ഇന്ധന വില കൂടുമ്പോൾ മാഹിയിലേക്ക് പോകുന്ന മലയാളികൾക്ക് തിരിച്ചടിയാവുന്നത് പെട്രോളിന്റെയും ഡീസലിന്റെയും വാറ്റ് അഥവാ മൂല്യവർധിത നികുതി വർദ്ധിപ്പിക്കുന്ന തീരുമാനമാണ്. കേന്ദ്രഭരണ പ്രദേശമായ പുതുച്ചേരിയിൽ പുതുവർഷത്തിൽ നടപ്പിലാക്കുന്ന പരിഷ്കരണമാണ് ഇന്ധനത്തിനുള്ള വാറ്റ് വർധന. പെട്രോളിന് 2.44 ശതമാനമായും ഡീസലിന് 2.57 ശതമാനമായുമാണ് നികുതി വർധിക്കുന്നത്. മാഹിയിലെ പെട്രോൾ നികുതി 13.32 ശതമാനത്തിൽ നിന്ന് 15.74 ശതമാനമായി ഉയരും. ഡീസൽ 6.91ശതമാനത്തിൽ നിന്നും 9.52 ശതമാനമായി ഉയരും. 
ഇത്തരത്തിൽ നിലവിലെ വിലയിൽ മൂന്നര രൂപയോളം മാറ്റമുണ്ടാകുമെന്ന് സാരം. 

പുതുച്ചേരിയുടെ വിവിധ മേഖലയിൽ വ്യത്യസ്ത രീതിയിലാണ് വില വർധന, ഇതിൽ തന്നെ ഏറ്റവും ഉയർന്ന വിലയാവും മാഹിയിൽ. അതേസമയം സമീപ സംസ്ഥാനങ്ങളായ കേരള, തമിഴ്നാട്, കർണാടക എന്നിവിടങ്ങളെ അപേക്ഷിച്ച് പുതുച്ചേരിയിൽ ഇന്ധന വില കുറഞ്ഞ് നിൽക്കുമെന്നാണ് ലഫ്റ്റനന്റ് ഗവർണർ വിശദമാക്കിയത്. 2021ലായിരുന്നു പുതുച്ചേരിയിൽ ഇതിന് മുൻപ് വാറ്റ് വർധനവ് വന്നത്. 

മാഹിയിൽ നിന്ന് ഇന്ധനം നിറച്ചാൽ 13.93 പൈസയാണ് നിലവിലെ ലാഭം. കേരളത്തിൽ പെട്രോൾ വില 105 രൂപയാണെങ്കിൽ മാഹിയിലേത് 91 രൂപയാണ്. ഇന്ന് അർദ്ധരാത്രിയറിയോടെ കൃത്യമായ വിലവർദ്ധനവ് അറിയാനാകും. വിലക്കുറവ് പരിഗണിച്ച് അയൽ ജില്ലകളിൽ നിന്നടക്കം കിലോമീറ്ററുകൾ താണ്ടി ആളുകൾ മാഹിയിലെത്തുന്നത് സാധാരണമാണ്. എന്നാൽ ഇന്ധനവില കൂടുന്നതോടെ മാഹിയിലെ പെട്രോളിനും ഡീസലിനും ആവശ്യക്കാർ കുറയുമോയെന്ന് കണ്ടുതന്നെ അറിയണം.

The recent fuel price hike in Mahé has deterred day-trippers from the UAE, who would often visit to buy cheaper petrol and diesel, with prices now comparable to those in the UAE.