ഷാര്‍ജ: 41 കാരനായ പ്രവാസി മലയാളി ഷാര്‍ജയില്‍ കുഴഞ്ഞുവീണ് മരിച്ചു. (Expatriate Malayali dies after collapsing in Sharjah).

മലപ്പുറം ജില്ലയിലെ പൊന്നാനി പുത്തന്‍കുളം സ്വദേശിയായ ചെറിയ മാളിയേക്കല്‍ അബ്ദുല്‍ ജലീല്‍ (41) ആണ് ഷാര്‍ജയില്‍ കുഴഞ്ഞുവീണ് മരിച്ചത്. സുലൈഖയാണ് ഭാര്യ. മക്കള്‍: സയാന്‍, സൈബ, സൈഫ, സമാന്‍. 
മേല്‍നടപടികള്‍ പൂര്‍ത്തിയാക്കി മയ്യിത്ത് നാട്ടിലെത്തിക്കാനുള്ള ശ്രമം നടന്നുവരികയാണ്. നടപടിക്രമങ്ങള്‍ പൂര്‍ത്തിയാക്കി മയ്യിത്ത് നാട്ടില്‍ തന്നെ മറവുചെയ്യുമെന്നും ബന്ധുക്കള്‍ അറിയിച്ചു.

കണ്ണൂര്‍ സ്വദേശിയായ പ്രവാസിയും ഇന്നലെ ഒമാനില്‍ കുഴഞ്ഞു വീണ് മരിക്കുകയുണ്ടായി.  കണ്ണൂര്‍ തലശ്ശേരി ധര്‍മടം വയ്യാപ്പറത്ത് ബഷീര്‍ (64) ആണ് കുഴഞ്ഞുവീണ് മരിച്ചത്. ഒമാനിലെ റൂവിയില്‍ ആയിരുന്നു താമസം. ശനിയാഴ്ച രാവിലെ പ്രഭാത നമസ്‌കാരത്തിന് ശേഷം താമസസ്ഥലത്ത് വിശ്രമിക്കവേ കുഴഞ്ഞ് വീഴുകയായിരുന്നുവെന്നാണ് ബന്ധുക്കള്‍ക്ക് ലഭിച്ച വിവരം. നേരത്തെ ടെലിഫോണ്‍ കാര്‍ഡ് കച്ചവടം ചെയ്തിരുന്ന ബഷീറിനെ 'ടെലിഫോണ്‍ കാര്‍ഡ് ബഷീര്‍ക്ക' എന്നാണ് പ്രവാസികള്‍ വിളിച്ചിരുന്നത്. പിതാവ്: ഇസ്മായീല്‍. മാതാവ്: ഖദീജ. ഭാര്യ: റിസ്‌വത്ത്. റൂവിയില്‍ ബിസിനസ് നടത്തുന്ന സലീം സഹോദരനാണ്.