ALSO READ: ജഗന്നാഥ ക്ഷേത്രവും മഹാകലേശ്വര്‍ ക്ഷേത്രവും ജ്യോതി മല്‍ഹോത്ര സന്ദര്‍ശിച്ചു; ക്ഷേത്രത്തിന് മുകളിലൂടെ ഡ്രോണ്‍ പറത്തി Read more അഹമ്മദാബാദ്: പഹല്‍ഗാം ഭീകരാക്രമണത്തിന് പിന്നാലെ രാജ്യത്ത് അറസ്റ്റിലാകുന്ന പാകിസ്ഥാന്‍ ചാരന്‍മാരുടെ എണ്ണം കൂടിവരുന്നു. ഗുജറാത്തിലെ കച്ച് സ്വദേശി സഹദേവ് സിങ് ഗോഹില്‍ (28) ആണ് ഏറ്റവും ഒടുവില്‍ പിടിയിലായത്. ആരോഗ്യപ്രവര്‍ത്തകനായ സഹദേവ് ഇന്ത്യന്‍ വ്യോമസേനയുമായും ബി.എസ്.എഫുമായും ബന്ധപ്പെട്ട സുപ്രധാന വിവരങ്ങള്‍ പാക് ഏജന്റിന് കൈമാറിയെന്ന് ഗുജറാത്ത് ഭീകരവിരുദ്ധ സേന (എ.ടി.എസ്) അറിയിച്ചു. 

അതിഥി ഭരദ്വാജ് എന്ന പേരിലുള്ള (വ്യാജ പേര് ആയിരിക്കാനാണ് സാധ്യത) പാക് ഏജന്റുമായി 2023ല്‍ സഹദേവ് വാട്സ്ആപ്പില്‍ ബന്ധം സ്ഥാപിച്ചുവരികയും പണത്തിന് വേണ്ടി ഇന്ത്യയുടെ സുപ്രധാന പ്രതിരോധ രഹസ്യങ്ങള്‍ ചോര്‍ത്തുകയുമായിരുന്നുവെന്നും എ.ടി.എസ് അറിയിച്ചു. വ്യോമസേനയുടെയും ബി.എസ്.എഫിന്റെയും പുതിയതും നിര്‍മാണത്തിലിരിക്കുന്നതുമായ കേന്ദ്രങ്ങളുടെയും മറ്റ് പോസ്റ്റുകളുടെയും വിഡിയോകളും ഫോട്ടോകളും ഇയാള്‍ പാകിസ്ഥാന് അയച്ചുനല്‍കുകയും ചെയ്തു. ഇയാളുടെ ഇടപെടലില്‍ സംശയം തോന്നിയതിനെ തുടര്‍ന്ന് ഈ മാസം ഒന്നിനാണ് എ.ടി.എസ് ചോദ്യംചെയ്യലിനായി വിളിപ്പിച്ചത്. തുടര്‍ദിവസങ്ങളിലും വിശദമായി ചോദ്യംചെയ്തതിന് പിന്നാലെയാണ് അറസ്റ്റ് രേഖപ്പെടുത്തിയത്. കഴിഞ്ഞ ഏതാനും മാസത്തിനുള്ളില്‍ അറസ്റ്റിലാകുന്ന മൂന്നാമത്തെ പാക് ചാരനാണ് സഹദേവ്.

Sahadev Singh Gohil, a 28-year-old health worker from Gujarat, was arrested by ATS for allegedly leaking sensitive military data to a Pakistani agent. He shared visuals of Air Force and BSF sites for money, raising concerns amid increased espionage after the Pahalgam attack.