വീട്ടുമുറ്റത്തോ ടെറസിലോ ഒരു മനോഹരമായ പൂന്തോട്ടം പലരുടെയും സ്വപ്‌നമാണ്. എന്നാല്‍ എത്രയൊക്കെ ചെടികളെ നട്ടു പരിപാലിക്കാറുണ്ടെങ്കിലും അവ പൂവിടാന്‍ മടിക്കുന്നതു കാണാം. എന്നാല്‍ ഇതിനു വേണ്ടി ചില കാര്യങ്ങള്‍ മാത്രം ശ്രദ്ധിച്ചാല്‍ മതിയാകും. പൂവിടാന്‍ മടിക്കുന്ന ഏതു ചെടിയാണെങ്കിലും കുലകുലായി തന്നെ പൂക്കുന്നതു നിങ്ങള്‍ക്കു കാണാം. 

ചെടികള്‍ നന്നായി പൂവിടാനും വളരാനും സഹായിക്കുന്ന ഒരു മാര്‍ഗമാണ് എപ്‌സം സോള്‍ട്ട് അഥവാ മഗ്നീഷ്യം സള്‍ഫേറ്റിന്റെ ഉപയോഗം. അതായത് രണ്ടര ഗ്രാം എപ്‌സം സോള്‍ട്ട് ഒന്നര ലിറ്റര്‍ വെള്ളത്തില്‍ കലക്കിയ ലായനി ചെടിയുടെ ചുവട്ടില്‍ ഒഴിച്ചുകൊടുക്കുകയോ അല്ലെങ്കില്‍ ഇലകളില്‍ തളിക്കുകയോ ചെയ്താല്‍ ചെടി കരുത്തോടെ വളരുകയും മനോഹരമായ പൂക്കള്‍വിരിയുകയും ചെയ്യും. 

മഗന്ഷ്യം സള്‍ഫേറ്റ് ഇലകളില്‍ അധികമായി ഹരിതകം ഉല്‍പാദിപ്പിക്കാന്‍ സഹായിക്കും. വീട്ടിനുള്ളില്‍ നിങ്ങള്‍ നട്ടു പരിപാലിക്കുന്ന ചെടികള്‍ക്കും എപ്‌സം സോള്‍ട്ട് ഉപയോഗിച്ചു കൊടുക്കാവുന്നതാണ്. ഇത് ഇലകള്‍ക്ക് നല്ല നിറവും കരുത്തും നല്‍കുന്നു. പുല്‍ത്തകിടിക്ക് നല്ല പച്ച നിറം കിട്ടുന്നില്ലെന്നുള്ള പരാതിയുണ്ടെങ്കില്‍ ഇവര്‍ക്കും എപ്‌സം സോള്‍ട്ട് ലായനി ഉപയോഗിക്കാവുന്നതാണ്. ഇത് പുല്ലുകള്‍ക്ക് നല്ല നിറം നല്‍കുകയും കരുത്തോടെ വളരാന്‍ സഹായിക്കുന്നതുമാണ്.

അതുപോലെ പ്രധാനമാണ് ഉണക്കിപ്പൊടിച്ച പഴത്തൊലി മുട്ടത്തോട് മിശ്രിതം. ഇതും ചെടികള്‍ക്ക് വളരെയധികം ഗുണം ചെയ്യുന്നു. പഴത്തൊലിയിലടങ്ങിയ പൊട്ടാസ്യം, ഫോസ്ഫറസ്, കാല്‍സ്യം, സള്‍ഫര്‍, നൈട്രജന്‍, ഇരുമ്പ് തുടങ്ങി ചെടികള്‍ വളരാനും നന്നായി പൂക്കാനും വേണ്ട ധാതുലവണങ്ങള്‍ ഇതിലടങ്ങിയിട്ടുണ്ട്. 

മുട്ടത്തോടില്‍ ചെടിയുടെ കോശങ്ങള്‍ക്ക് ബലവും രോഗപ്രതിരോധ ശക്തിയും നല്‍കാന്‍ കഴിവുള്ള കാല്‍സ്യവും ഇലകള്‍ക്ക് നല്ല പച്ചനിറം നല്‍കാനാവശ്യമായ മഗ്നീഷ്യവുമുണ്ട്. ഇവ രണ്ടും അതേപടി നേരിട്ട് ചെടിയുടെ മുരട്ടില്‍ ഇട്ടാല്‍ ഇവ പലതരത്തിലുള്ള കീടങ്ങളെയും സൂക്ഷ്മാണുക്കളെയും ചെടിയിലേക്ക് ആകര്‍ഷിക്കുന്നതാണ്. എന്നാല്‍ ഇവ ഉണക്കിപ്പൊടിച്ചെടുത്ത് വളമാക്കി ഉപയോഗിക്കാം.

 പഴത്തൊലി ചെറുതായി അരിഞ്ഞ് വെയിലത്തു വച്ച് ഉണക്കിപ്പൊടിച്ചെടുക്കണം. അതുപോലെ തന്നെ മുട്ടയുടെ തോടും. ശേഷം ഇവരണ്ടും മിക്‌സ് ചെയ്തു ചെടികളുടെ ചുവട്ടില്‍ ആവശ്യത്തിനനുസരിച്ചു ഇട്ടുകൊടുത്താല്‍ മതി. മനോഹരമായി പൂക്കള്‍ വിരിയുന്നതു കാണാം.

A lush, flowering garden in your yard or terrace is a dream for many. But often, despite proper care, some plants refuse to bloom. By paying attention to a few simple techniques, you can encourage even the most stubborn plants to flower abundantly.