മസ്കത്ത്: പ്രചോദന മലയാളി സമാജം മസ്കറ്റിൻ്റെ കുടുംബ സംഗമം  കഴിഞ്ഞ ദിവസം സി ബി ഡി ഏരിയ യിലുള്ള ദാനത് ഹാളിൽ നടന്നു.   

പ്രസിഡൻ്റ് ശ്രീമതി അപർണ്ണ വിജയന്റെ അധ്യക്ഷതയിൽ രക്ഷാധികാരി ശ്രീ സദാനന്ദൻ എടപ്പാൾ യോഗം ഉത്ഘാടനം ചെയ്തു കുടുംബ സംഗമത്തിൽ ഉപദേശക സമിതി അംഗം ശ്രീമാൻ  വിജയ് കൃഷ്ണയും, എക്സിക്യൂട്ടീവ് മെമ്പറായ ശ്രീമാൻ പ്രഭാകരനും  ആശംസയും, സെക്രട്ടറി നിഷാ പ്രഭാകരൻ സ്വാഗതവും  പറഞ്ഞു. കഴിഞ്ഞ  41 വർഷമായി ഒമാനിലെ കലാരംഗത്തെ നിറസാന്നിദ്ധ്യമായിരുന്ന ശ്രീ മനോഹരൻ ഗുരുവായൂരിന് ആദരവും  യാത്രയയപ്പും നൽകി. മസ്കറ്റിലെ പ്രശസ്ത ഗായകൻ ശ്രീ മുനീറിൻ്റെ മനോഹരമായ ഗാനങ്ങളും, ശ്രീ രാജേഷിൻ്റെ Flute ഉം, അംഗങ്ങൾ അവതരിപ്പിച്ച കലാപരിപാടികളും പരിപാടിക്ക് മാറ്റ് കൂട്ടി. ക്ലാസ്സിക്കൽ ഡാൻസ് അവതരിപ്പിച്ച നാല് വയസ്സുള്ള ഇവ ശരജ് എന്ന കുട്ടിയുടെ ആദ്യ സ്റ്റേജ് പ്രോഗ്രാമായിരുന്നു പരിപ്പാടിയിൽ അരങ്ങേരിയത്. ജോയിന്റ് സെക്രട്ടറി ശ്രീ സജേഷിൻ്റെ നന്ദിയോടെ കുടുംബ സംഗമം അവസാനിച്ചു.