മാഡ്രിഡ്: പുതിയ ലാ ലിഗ സീസണിലും റയൽ മാഡ്രിഡിൽ തരംഗം സൃഷ്ടിച്ച് ഫ്രഞ്ച് സൂപ്പർതാരം കിലിയൻ എംബാപ്പെ. ഇത്തവണ ജേഴ്സി വില്പനയിലാണ് എംബാപ്പെ റെക്കോർഡിട്ടത്. ക്രോയേഷ്യൻ ഇതിഹാസം ലൂക്ക മോഡ്രിച്ച് ക്ലബ് വിട്ടതോടെ താരത്തിന്റെ റയലിനെ പത്താം നമ്പർ ജേഴ്സി എംബാപ്പെക്കാണ് ലഭിച്ചത്. കഴിഞ്ഞ സീസണിൽ എംബാപ്പ ഒമ്പതാം നമ്പർ ജേഴ്സി അണിഞ്ഞാണ് കളിച്ചത്.

ഇപ്പോൾ ഈ പത്താം നമ്പർ ജേഴ്സി വൻതോതിൽ വിറ്റഴിക്കപ്പെട്ടുവെന്നാണ് റിപ്പോർട്ട്. 48 മണിക്കൂറിനുള്ളിൽ 345,000ത്തോളം ജേഴ്സികളാണ് വിറ്റുപോയത്. യൂറോമെറിക്കാസ് സ്പോർട് മാർക്കറ്റിംഗ് ആണ് ഇക്കാര്യം റിപ്പോർട്ട് ചെയ്യുന്നത്. റയലിന്റെ എക്കാലത്തെയും മികച്ച ഇതിഹാസ താരമായ ക്രിസ്റ്റ്യാനോ റൊണാൾഡോയുടെ ഐക്കണിക് ജേഴ്സി നമ്പർ 7നെക്കാൾ കൂടുതൽ ജേഴ്‌സികളാണ് വിറ്റഴിക്കപ്പെട്ടെതെന്നും റിട്ടപ്പോർട്ടുകളുണ്ട്. 

പുതിയ സീസണിലും മിന്നും പ്രകടനമാണ് ഫ്രഞ്ച് താരം നടത്തിക്കൊണ്ടിരിക്കുന്നത്. ആദ്യ മത്സരത്തിൽ ഒസാസുനയെ എതിരില്ലാത്ത ഒരു ഗോളിന് വീഴ്ത്തിയാണ് റയൽ തേരോട്ടം തുടങ്ങിയത്. മത്സരത്തിലെ ഏകഗോൾ നേടിയത് എംബാപ്പെയാണ്. റയലിനായി ആദ്യ സീസണിൽ 59 മത്സരങ്ങളിൽ നിന്ന് 44 ഗോളുകളും അഞ്ച് അസിസ്റ്റുകളും ആണ് ഫ്രഞ്ച് താരം നേടിയത്. 

റയലിനായി അരങ്ങേറ്റ സീസണിൽ തന്നെ റൊണാൾഡോ നടത്തിയ ഗോൾ സ്കോറിങ്ങിന്റെ റെക്കോർഡും എംബാപ്പെ തകർത്തിരുന്നു. റൊണാൾഡോ തന്റെ അരങ്ങേറ്റ സീസണിൽ 33 ഗോളുകളായിരുന്നു നേടിയിരുന്നത്. 2009 സീസണിലാണ് റൊണാൾഡോ ഈ റെക്കോർഡ് ഗോൾ സ്കോറിന് നടത്തിയത്. റയലിനായി അരങ്ങേറ്റ സീസണിൽ ഏറ്റവും കൂടുതൽ ഗോൾ നേടിയത് ഇവാൻ സമോറാനോയുടെ റെക്കോർഡും ഫ്രഞ്ച് താരം തകർത്തിരുന്നു. 1992-93 സീസണിൽ 37 ഗോളുകൾക്കായിരുന്നു താരം അടിച്ചുകൂട്ടിയത്. 

Kylian Mbappe sets record for jersey sales at Real Madrid. More jerseys were sold than the iconic number 7 jersey of Real Madrid's greatest ever player, Cristiano Ronaldo.