2025 ഐപിഎല്ലിൽ  രാജസ്ഥാൻ റോയൽസിനായി നടത്തിയ മിന്നും പ്രകടനങ്ങൾക്ക് പിന്നാലെ ക്രിക്കറ്റ് ലോകത്തിൽ ഏറ്റവും ചർച്ചയായ പേരാണ് വൈഭവ് സൂര്യവംശി. 2025 ഐപിഎല്ലിലെ സൂപ്പർ സ്ട്രൈക്കർ അവാർഡ് സ്വന്തമാക്കിയത് വൈഭവ് സൂര്യവംശിയായിരുന്നു. രാജസ്ഥനായി ഏഴ് മത്സരങ്ങളിൽ നിന്നും ഒരു സെഞ്ച്വറിയും ഒരു അർദ്ധ സെഞ്ച്വറിയും ഉൾപ്പെടെ 252 റൺസാണ് നേടിയത്.

ഇപ്പോൾ വൈഭവിന്റെ ക്രിക്കറ്റ് കരിയറിൽ നിർണായകമായ സ്വാധീനം ചെലുത്താൻ സഹായിക്കുന്ന വ്യക്തിയെക്കുറിച്ച് സംസാരിച്ചിരിക്കുകയാണ് മുൻ ഇന്ത്യൻ താരം അമ്പാട്ടി റായിഡു. രാജസ്ഥാൻ റോയൽസ് പരിശീലകൻ രാഹുൽ ദ്രാവിഡിനെകുറിച്ചാണ് ശുഭങ്കർ മിശ്രയുടെ പോഡ്‌കാസ്റ്റിൽ റായിഡു സംസാരിച്ചത്. വൈഭവിന്റെ ബാറ്റിങ്ങിന് മികച്ച വേഗതയുണ്ടെന്നും വെസ്റ്റ് ഇൻഡീസ് ഇതിഹാസം ബ്രെയാൻ ലാറയുമായി വൈഭവ് സംസാരിക്കണമെന്നും റായിഡു പറഞ്ഞു. 

''രാഹുൽ ദ്രാവിഡ് കൂടെയുള്ളത് വൈഭവിന്റെ ഭാഗ്യമാണ്. യുവ ബാറ്റർമാറി അദ്ദേഹം നന്നായി പിന്തുണക്കും. അദ്ദേഹത്തിന് നല്ല ബാറ്റിംഗ് വേഗതയുണ്ട്. അദ്ദേഹത്തിന്റെ ബാറ്റ് ലിപ്പ് ആരും മാറ്റരുതെന്ന് ഞാൻ പ്രതീക്ഷിക്കുന്നു. ഇതുപോലെ ബാറ്റ് ലിപ്പ് ഉണ്ടായിരുന്ന ബ്രെയാൻ ലാറയുമായി വൈഭവ് സംസാരിക്കണം. ഡിഫൻഡ് ചെയ്തുകൊണ്ട് ബാറ്റ് വേഗത നിയന്ത്രിച്ചുകൊണ്ട് കളിക്കാൻ അവൻ ഇതിലൂടെ പഠിക്കും. ഈ കാര്യം പഠിച്ചാൽ അവൻ ഒരുപാട് നേട്ടങ്ങൾ സ്വന്തമാക്കും'' അമ്പാട്ടി റായുഡു പറഞ്ഞു.  

ഐപിഎൽ കഴിഞ്ഞു നടന്ന ഇംഗ്ലണ്ടിനെതിരായ പരമ്പരയിലും വൈഭവ് മികച്ച പ്രകടനമാണ് നടത്തിയത്. യൂത്ത് ടെസ്റ്റിൽ നാല് ഇന്നിംഗ്‌സുകളിൽ നിന്ന് 340 റൺസ് ആണ് ആയുഷ് നേടിയിരുന്നത്. രണ്ട് സെഞ്ച്വറിയും ഒരു അർദ്ധസെഞ്ച്വറിയും ആണ് പരമ്പരയിൽ താരം സ്വന്തമാക്കിയത്. ഏകദിന പരമ്പരയിൽ അഞ്ചു മത്സരങ്ങളിൽ നിന്നും 355 റൺസാണ് വൈഭവ് നേടിയത്. ഒരു സെഞ്ച്വറിയും അർദ്ധ സെഞ്ച്വറിയും ആണ് താരം പരമ്പരയിൽ നേടിയത്. 71 എന്ന മികച്ച ആവറേജിലും 174.01 സ്ട്രൈക്ക് റേറ്റിലും ആണ് വൈഭവ് സൂര്യവംശി ബാറ്റ് വീശിയത്.

Former Indian player Ambati Rayudu has spoken about the person who helped make a crucial impact on Vaibhavs cricket career