ചെക്ക് റിപ്പബ്ലിക്കൻ വാഹന നിർമാതാക്കളായ സ്കോഡയുടെ സബ്-കോംപാക്ട് എസ്‌യുവിയായ കൈലാഖിന് ആവശ്യക്കാരേറുന്നു. ഇന്ത്യൻ വിപണിയിൽ വൻ മുന്നേറ്റം നടത്തി കമ്പനിയുടെ വിൽപ്പന കൈലാഖ് ഇരട്ടിയാക്കി മാറ്റുകയും ചെയ്തു. 2024 നവംബറിലാണ് ഈ വാഹനം ഇന്ത്യൻ വിപണിയിൽ അവതരിപ്പിച്ചത്. 2025 ജനുവരി മുതൽ ജൂലൈ വരെയുള്ള കാലയളവിൽ സ്കോഡയുടെ മൊത്തം വിൽപ്പനയായ 41,748 യൂണിറ്റുകളിൽ 65 ശതമാനവും (27,091 യൂണിറ്റുകൾ) സ്വന്തമാക്കി. മാർച്ചിൽ 7,422 യൂണിറ്റുകൾ വിറ്റഴിച്ച് സ്കോഡയുടെ എക്കാലത്തെയും ഉയർന്ന പ്രതിമാസ വിൽപ്പനയും കൈലാഖ് ഇതോടെ സ്വന്തമാക്കി.

കഴിഞ്ഞ വർഷം മൊത്തം 17,565 യൂണിറ്റുകളായിരുന്ന സ്കോഡയുടെ വിൽപ്പന, കൈലാഖിന്റെ വരവോടെ 2025-ൽ 41,748 യൂണിറ്റുകളായി ഉയർന്നു. മാരുതി സുസുക്കി ബ്രെസ, ഹ്യുണ്ടായി വെന്യു, കിയ സോനെറ്റ്, മഹീന്ദ്ര XUV 3XO, ടാറ്റ നെക്സോൺ തുടങ്ങിയ ശക്തരായ എതിരാളികൾക്കിടയിൽ കൈലാഖ് വിപണിയിൽ തന്റെ സ്ഥാനം ഉറപ്പിച്ചു എന്ന് നിസ്സംശയം പറയാം.

ALSO READ: വില ഒരു ലക്ഷത്തിൽ താഴെ: ഓ​ഗസ്റ്റ് 28 ന് പുതിയ ടിവിഎസ് ഇലക്ട്രിക് സ്‌കൂട്ടർ വിപണിയിൽ

 

 

വിലയും എഞ്ചിനും

8.25 ലക്ഷം മുതൽ 12.89 ലക്ഷം രൂപ വരെയാണ് കൈലാഖിന്റെ മാനുവൽ വേരിയന്റിന്റെ എക്സ്-ഷോറൂം വില. ഓട്ടോമാറ്റിക് വേരിയന്റിന് 10.95 ലക്ഷം മുതൽ 13.99 ലക്ഷം രൂപ വരെയാണ് വില. 1.0 ലിറ്റർ 3-സിലിണ്ടർ ടർബോ-പെട്രോൾ (1.0 ടിഎസ്ഐ) എഞ്ചിനാണ് കൈലാഖിന്റെ ഹൃദയം. 114 bhp കരുത്തും 178 Nm ടോർക്കും നൽകുന്ന ഈ എഞ്ചിൻ 6-സ്പീഡ് മാനുവൽ അല്ലെങ്കിൽ 6-സ്പീഡ് ടോർക്ക് കൺവെർട്ടർ ഓട്ടോമാറ്റിക് ട്രാൻസ്മിഷനോട് കൂടിയാണ് ലഭ്യമാകുന്നത്. മാനുവൽ മോഡലിന് ലിറ്ററിന് 19.68 കിലോമീറ്ററും ഓട്ടോമാറ്റിക് മോഡലിന് 19.05 കിലോമീറ്ററും മൈലേജ് ലഭിക്കും.

ALSO READ: കോച്ചിങ് ഇല്ലാതെ 21-ാം വയസ്സിൽ ഐപിഎസ്, 22-ൽ ഐഎഎസ്: പ്രതിസന്ധികളെ തോല്പിച്ച ദിവ്യ തൻവാറിന്റെ വിജയഗാഥ

ഡിസൈനും സവിശേഷതകളും

കൈലാഖിന്റെ ആധുനിക ഡിസൈൻ വിപണിയിൽ ശ്രദ്ധ നേടുന്നു. സ്പ്ലിറ്റ്-ഹെഡ്‌ലൈറ്റ്, പൂർണ്ണമായും കറുത്ത ഗ്രിൽ, ടി-ആകൃതിയിലുള്ള എൽഇഡി ടെയിൽ ലൈറ്റുകൾ എന്നിവ ബാഹ്യ രൂപത്തിന് മാറ്റ് കൂട്ടുന്നു. 17 ഇഞ്ച് ഡ്യുവൽ-ടോൺ അലോയ് വീലുകൾ, സ്‌പോർട്ടി സ്‌പോയിലർ, ഉയർന്ന ഗ്രൗണ്ട് ക്ലിയറൻസ് എന്നിവയും വാഹനത്തിന്റെ ആകർഷണം വർധിപ്പിക്കുന്നു.

 

 

ഇന്റീരിയറിൽ, ഡ്യുവൽ-സ്‌ക്രീൻ സജ്ജീകരണം, മെറ്റൽ ആക്സന്റുകൾ, വയർലെസ് ചാർജിംഗ്, ടിക്കറ്റ് ഹോൾഡർ തുടങ്ങിയ സവിശേഷതകൾ കൈലാഖിനെ മികച്ചതാക്കുന്നു. അഞ്ച് പേർക്ക് സുഖകരമായി സഞ്ചരിക്കാൻ ഈ എസ്‌യുവിക്ക് കഴിയും. 2025 ജനുവരിയിൽ ഡെലിവറി ആരംഭിച്ച കൈലാഖ്, സ്കോഡയുടെ വിജയഗാഥയെ പുനർനിർവചിച്ചിരിക്കുകയാണ്. വിൽപ്പന കണക്കുകൾ പ്രകാരം, കൈലാഖ് സ്കോഡയെ ഇന്ത്യൻ വിപണിയിൽ ‘പൊന്മുട്ടയിടുന്ന താറാവ്’ ആക്കി മാറ്റിയിരിക്കുന്നു.

ALSO READ: കൊച്ചിയിൽ പെൺസുഹൃത്തിനെ ഹോസ്റ്റലിൽ കൊണ്ടു വിടാൻ എത്തിയ യുവാവിന് നേരെ സദാചാര ആക്രമണം; അക്രമികൾക്കൊപ്പം സഹായത്തിനായി വിളിച്ച പൊലിസും കൂട്ട് നിന്നതായി പരാതി

 

 

Skoda's Kylaq, a sub-compact SUV priced from ₹8.25 lakh, has doubled the company's sales in India. From January to July 2025, it accounted for 65% of Skoda's 41,748 units sold, with a record 7,422 units in March. Competing with Maruti Brezza, Hyundai Venue, and others, Kylaq's modern design, 1.0L turbo-petrol engine, and features like dual screens and wireless charging have made it a game-changer