കോഴിക്കോട്: സോഷ്യൽ മീഡിയാ പ്ലാറ്റ്ഫോമായ സ്നാപ്ചാറ്റ് വഴി പരിചയപ്പെട്ട 13 വയസ്സുള്ള പെൺകുട്ടിയെ ലൈംഗികാതിക്രമത്തിന് ഇരയാക്കിയ കർണാടക സ്വദേശിയെ കോയിലാണ്ടി പൊലിസ് അറസ്റ്റ് ചെയ്തു. മുഹമ്മദ് സഹീർ യൂസഫ് (30) ആണ് പൊലിസിന്റെ പിടിയിലായത്. സ്നാപ്ചാറ്റ് വഴി പെൺകുട്ടിയെ പ്രണയം നടിച്ച് വിശ്വാസം നേടിയ ശേഷം ഇയാൾ പീഡനത്തിന്  ഇരയാക്കുവായിരുന്നുവെന്ന് പൊലിസ്  വ്യക്തമാക്കി.

സൈബർ സെല്ലിന്റെ സഹായത്തോടെയും നിരവധി സിസിടിവി ദൃശ്യങ്ങൾ പരിശോധിച്ചുമാണ് പൊലിസ്  പ്രതിയെ കണ്ടെത്തിയത്. വടകര ഡിവൈഎസ്പി ഹരിപ്രസാദിന്റെ നേതൃത്വത്തിൽ കോയിലാണ്ടി സിഐ ശ്രീലാൽ, എസ്ഐ ബിജു, എഎസ്ഐ വിജു, ശോഭ, സിവിൽ പൊലിസ്  ഓഫീസർമാരായ നിഖിൽ, പ്രവീൺ കുമാർ, ഗംഗേഷ് എന്നിവർ ഉൾപ്പെട്ട അന്വേഷണ സംഘമാണ് മുഹമ്മദ് സഹീറിനെ അറസ്റ്റ് ചെയ്തത്.

നടപടിക്രമങ്ങൾ പൂർത്തിയാക്കിയ ശേഷം പ്രതിയെ കോടതിയിൽ ഹാജരാക്കി, തുടർന്ന് റിമാൻഡ് ചെയ്തു. സംഭവത്തെക്കുറിച്ച് കൂടുതൽ അന്വേഷണം പുരോഗമിക്കുകയാണ്.

The Koyilandy police have arrested a Karnataka native for sexually assaulting a 13-year-old girl whom he met through the social media platform Snapchat. The police have arrested Mohammed Zaheer Yusuf (30). The police said that he had raped the girl after feigning love and gaining her trust through Snapchat.