ഡൽഹി: ജമ്മു-കശ്മീരിലെ ബന്ദിപ്പോര ജില്ലയിലെ ഗുരേസ് സെക്ടറിൽ നിയന്ത്രണ രേഖ ലംഘിച്ച് നുഴഞ്ഞുകയറാൻ ശ്രമിച്ച രണ്ട് ഭീകരരെ ഇന്ത്യൻ സൈന്യം വെടിവച്ച് കൊലപ്പെടുത്തി. ഇന്ന് പുലർച്ചെയുണ്ടായ ഏറ്റുമുട്ടലിനുശേഷമാണ് ഭീകരരുടെ മൃതദേഹങ്ങൾ സൈന്യം കണ്ടെത്തിയത്.

വൻ ആയുധശേഖരവുമായി അതിർത്തി കടക്കാൻ ശ്രമിച്ച സംഘത്തിലെ അഞ്ചോളം ഭീകരർ ഇപ്പോഴും പ്രദേശത്ത് ഒളിച്ചിരിക്കുന്നുണ്ടെന്നാണ് സൈന്യത്തിന്റെ സംശയം. ഇവരെ പിടികൂടാനായി സുരക്ഷാ സേന വ്യാപകമായ തെരച്ചിൽ നടത്തുന്നുണ്ട്.

ഈ മാസം ആദ്യം നടന്ന ഓപ്പറേഷൻ അഖലിൽ ആറ് ഭീകരരെയാണ് ഇന്ത്യൻ സൈന്യം ദിവസങ്ങളോളം നീണ്ട ഏറ്റുമുട്ടലിൽ വധിച്ചത്. ലഷ്കർ-ഇ-തൊയ്ബ (എൽഇടി)യുടെ അനുബന്ധസംഘടനയായ ‘ദി റെസിസ്റ്റൻസ് ഫ്രണ്ട്’ അംഗങ്ങളായിരുന്നു കൊല്ലപ്പെട്ടവർ. 26 ഇന്ത്യാകാർക്ക് ജീവൻനഷ്ടപ്പെട്ട പഹൽഗാം ഭീകരാക്രമണത്തിൽ നേരിട്ട് പങ്കെടുത്തവരടക്കം ഇവരിൽ ഉണ്ടായിരുന്നുവെന്ന് സൈന്യം വ്യക്തമാക്കി.

Indian Army has killed two terrorists who tried to infiltrate across the Line of Control in Gurez sector of Bandipora district of Jammu and Kashmir. The bodies of the terrorists were recovered after an encounter that broke out early this morning.