ഇന്ത്യയിൽ മോട്ടോർസൈക്കിൾ വിപണിയിൽ അഡ്വഞ്ചർ ബൈക്കുകളുടെ ഡിമാൻഡ് ദിനംപ്രതി വർധിക്കുകയാണ്. അഡ്വഞ്ചർ ബൈക്ക് വാങ്ങാൻ 2 ലക്ഷം രൂപയ്ക്ക് മുകളിൽ പണം മുടക്കുന്നവർക്ക് റോയൽ എൻഫീൽഡ് ഹിമാലയനോ കെടിഎം അഡ്വഞ്ചർ സീരീസോ ഇന്ന് വിപണിയിൽ കിട്ടും. പണത്തിന് പരിമിതികളുള്ളവർ സാധാരണ ഹീറോ എക്സ്പൾസ് 200 തിരഞ്ഞെടുക്കാറാണ് പതിവ്. എന്നാൽ, ജാപ്പനീസ് സൂപ്പർബൈക്ക് നിർമാതാക്കളായ കവസാക്കി തങ്ങളുടെ KLX 230 ഡ്യുവൽ സ്പോർട്ട് മോട്ടോർസൈക്കിളിനെ 2026 മോഡലായി വൻ മാറ്റങ്ങളോടെയാണ് ഇന്ത്യൻ വിപണിയിൽ അവതരിപ്പിച്ചിരിക്കുന്നത്.

ALSO READ: നിങ്ങളുടെ ഡ്രൈവിങ് ലൈസൻസ് ആധാറുമായി ബന്ധിപ്പിച്ചിട്ടുണ്ടോ; ഇ-ചലാൻ പിഴ അടയ്ക്കാത്തവർ ഇനി കടുത്ത നടപടികൾ നേരിടേണ്ടി വരും

കഴിഞ്ഞ വർഷമാണ് KLX 230 വിപണിയിൽ എത്തിയത്. എന്നാൽ ഉയർന്ന വില കാരണം പ്രതീക്ഷിച്ച അത്ര വിജയം നേടാനായില്ല. എന്നാൽ, പ്രാദേശികവത്കരണത്തിലൂടെ വിലയിൽ 1.30 ലക്ഷം രൂപയോളം കുറച്ച് 1.99 ലക്ഷം രൂപയ്ക്ക് ഈ ബൈക്ക് ലഭ്യമാക്കി. അതേസമയം കേന്ദ്രസർക്കാർ ജിഎസ്ടി നിരക്കും കുറച്ചതോടെ എക്സ്ഷോറൂം വില 1.84 ലക്ഷം രൂപയായി വീണ്ടും കുറഞ്ഞു. പക്ഷേ ഇതുകൊണ്ടും തീർന്നില്ല. ഇപ്പോഴിതാ 2,499 രൂപ മാത്രം മുടക്കി 7 വർഷത്തെ എക്സ്റ്റൻഡഡ് വാറണ്ടി ലഭിക്കുന്ന പുതിയ പദ്ധതിയും കവസാക്കി അവതരിപ്പിച്ചു. ഇതോടെ 3 വർഷത്തെ സ്റ്റാൻഡേർഡ് വാറണ്ടിക്ക് പുറമെ, മൊത്തം 10 വർഷത്തെ വാറണ്ടി കവറേജ് ഉപഭോക്താക്കൾക്ക് ഉറപ്പാക്കാം. എഞ്ചിൻ, ഗിയർബോക്സ് തുടങ്ങിയ പ്രധാന ഘടകങ്ങളെല്ലാം ഈ വാറണ്ടിയിൽ ഉൾപ്പെടുന്നു എന്നതും ശ്രദ്ധേയം.

ALSO READ: മാരുതി സ്വിഫ്റ്റിന് വീണ്ടും വില കുറഞ്ഞു; 57,500 രൂപ വരെയുള്ള ആകർഷകമായ ഓഫറുകൾ

 

 

2026 മോഡലിൽ കവസാക്കി ചില സുപ്രധാന മാറ്റങ്ങൾ വരുത്തിയിട്ടുണ്ട്. പുതുക്കിയ സസ്പെൻഷൻ ജോമെട്രി വീൽ ട്രാവലിനെ നേരിയ തോതിൽ കുറച്ചിട്ടുണ്ട്. മുൻപുള്ള ഡ്യുവൽ-ചാനൽ എബിഎസിന് പകരം സിംഗിൾ-ചാനൽ എബിഎസ് സിസ്റ്റമാണ് ഇപ്പോൾ ഉപയോഗിച്ചിരിക്കുന്നത്. ഓഫ്-റോഡ് യാത്രകൾക്ക് സിംഗിൾ-ചാനൽ എബിഎസ് കൂടുതൽ പ്രായോഗികമാണെന്നതിനാൽ ഈ മാറ്റം ഉപഭോക്താക്കൾക്ക് ഗുണകരമാണ്.

ALSO READ: ഐഫോണിന്റെ ബാറ്ററി വേഗം തീരുന്നു? കാരണങ്ങളും പരിഹാരങ്ങളും

233 സിസി, എയർ-കൂൾഡ്, സിംഗിൾ-സിലിണ്ടർ എഞ്ചിനാണ് KLX 230-ന്റെ ഹൃദയം. 8,000 ആർപിഎമ്മിൽ 18.7 bhp കരുത്തും 6,000 ആർപിഎമ്മിൽ 19 Nm ടോർക്കും ഈ എഞ്ചിൻ ഉത്പാദിപ്പിക്കുന്നു. 6 സ്പീഡ് ഗിയർബോക്സുമായി ജോടിയാക്കിയിരിക്കുന്നതിനാൽ ഈ എഞ്ചിൻ മികച്ച പ്രകടനം ഉറപ്പാക്കുന്നു. 7.6 ലിറ്റർ ഫ്യുവൽ ടാങ്ക് ശേഷി ഹൈ ടൂറിംഗിന് അനുയോജ്യമല്ലെങ്കിലും, ലീൻ ഫ്രെയിം, സിംഗിൾ-പീസ് സീറ്റ്, എൽഇഡി ലൈറ്റിംഗ്, ബ്ലൂടൂത്ത് കണക്റ്റിവിറ്റിയുള്ള ഡിജിറ്റൽ എൽസിഡി ക്ലസ്റ്റർ എന്നിവ ഈ ബൈക്കിന്റെ മിനിമലിസ്റ്റ് ഡ്യുവൽ-സ്പോർട്ട് ലുക്കിനെ ആകർഷകമാക്കുന്നു.

ലൈം ഗ്രീൻ, ബാറ്റിൽ ഗ്രേ എന്നീ രണ്ട് പുതിയ കളർ ഓപ്ഷനുകളിൽ KLX 230 ലഭ്യമാണ്. എക്സ്റ്റൻഡഡ് വാറണ്ടിയും വിലക്കുറവും ഹീറോ എക്സ്പൾസ് 200, 210 മോഡലുകൾക്ക് വെല്ലുവിളിയാകുമെന്നാണ് കവസാക്കിയുടെ പ്രതീക്ഷ. ഈ മാറ്റങ്ങളോടെ KLX 230-നെ ഇന്ത്യൻ അഡ്വഞ്ചർ ബൈക്ക് പ്രേമികൾക്കിടയിൽ കൂടുതൽ ജനപ്രിയമാക്കുമെന്ന് ഉറപ്പാണ്.

The Kawasaki KLX 230, priced at ₹1.84 lakh, offers a 10-year warranty for just ₹2,499. With a 233cc engine, single-channel ABS, and updated suspension, it challenges the Hero Xpulse in India’s adventure bike market.

 Kawasaki KLX 230, adventure bike India, dual-sport motorcycle, 10-year warranty, Hero Xpulse rival, affordable bikes 2026, Kawasaki India price, motorcycle warranty, off-road bikes, KLX 230 features