ദോഹ: 2025-ലെ ലോക സാമൂഹിക വികസന ഉച്ചകോടി (Second World Summit for Social Development) നടക്കുന്ന സാഹചര്യത്തിൽ, ചില പ്രത്യേക പ്രദേശങ്ങളിൽ എല്ലാത്തരം സമുദ്ര ഗതാഗതത്തിനും വിലക്കേർപ്പെടുത്തിയ ഗതാഗത മന്ത്രാലയം. കപ്പൽ വാടകയ്ക്കെടുക്കുന്നതിനും വിലക്കേർപ്പെടുത്തിയിട്ടുണ്ട്.

നിയന്ത്രണങ്ങൾ ഇങ്ങനെ

നാളെ രാവിലെ (2025 നവംബർ 4) 6 മണി മുതൽ നവംബർ 7 വെള്ളിയാഴ്ച രാവിലെ 10 മണി വരെയാണ് സമുദ്ര ​ഗതാ​ഗതത്തിന് വിലക്ക് ഏർപ്പെടുത്തിയിട്ടുള്ളത്.

ALSO READ: ചെറിയ യാത്ര, കുറഞ്ഞ ചിലവ്: 2025ൽ യുഎഇ നിവാസികൾ ഏറ്റവുമധികം സഞ്ചരിച്ച രാജ്യങ്ങൾ അറിയാം

ഹമദ് അന്താരാഷ്ട്ര വിമാനത്താവളം മുതൽ ലുസൈൽ സിറ്റിയിലെ ഫെയർമോണ്ട് ഹോട്ടലിന്റെ തീരപ്രദേശം വരെയുള്ള ഭാഗങ്ങളിലാണ് നിയന്ത്രണം.

വിനോദ ബോട്ടുകൾ, ടൂറിസം യാത്രകൾ, മത്സ്യബന്ധന ബോട്ടുകൾ, വാട്ടർ സ്‌കൂട്ടറുകൾ എന്നിവയുൾപ്പെടെ എല്ലാത്തരം സമു​​ദ്ര ​ഗതാ​ഗതത്തിനും ഈ സമയത്ത് വിലക്കുണ്ട്.

രാജ്യത്ത് നടക്കുന്ന അന്താരാഷ്ട്ര പരിപാടികളുടെ സുരക്ഷയും സുഗമമായ നടത്തിപ്പും ഉറപ്പാക്കുന്നതിനുള്ള രാജ്യത്തിന്റെ ശ്രമങ്ങളുടെ ഭാഗമാണ് ഈ നടപടിയെന്ന് മന്ത്രാലയം വ്യക്തമാക്കി. എല്ലാ കപ്പലുടമകളും ഈ നിർദ്ദേശം പാലിക്കണമെന്നും അധികൃതരുമായി സഹകരിക്കണമെന്നും മന്ത്രാലയം അഭ്യർഥിച്ചു.

In conjunction with the Second World Summit for Social Development happening in 2025, the Ministry of Transportation has imposed restrictions on all types of maritime traffic in certain areas. This includes a ban on chartering vessels.