ചെന്നൈ: തമിഴ്‌നാട്ടില്‍ വരും ദിവസങ്ങളിലും ശക്തമായ മഴ തുടരുമെന്ന് മുന്നറിയിപ്പ്. തെക്കുപടിഞ്ഞാറന്‍ ബംഗാള്‍ ഉള്‍ക്കടലിലും, വടക്കന്‍ തമിഴ്‌നാട്, പുതുച്ചേരി തീരങ്ങളിലും രൂപപ്പെട്ട തീവ്രന്യൂനമര്‍ദ്ദം കാരണം തിരുവള്ളൂര്‍, ചെന്നൈ ജില്ലകളില്‍ ചൊവ്വാഴ്ച്ച വരെ ശക്തമായ മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. ചൊവ്വാഴ്ച്ച ചെന്നൈയില്‍ സ്‌കൂളുകള്‍ക്കും, കോളജുകള്‍ക്കും അവധി പ്രഖ്യാപിച്ചു. 

ശ്രീലങ്കയെ തകര്‍ത്തെറിഞ്ഞ ഡിറ്റ് വാ ചുഴലിക്കാറ്റിന്റെ പ്രഭാവമാണ് തമിഴ്‌നാട് തീരങ്ങളില്‍ കനത്ത മഴയ്ക്ക് കാരണം. നിലവില്‍ ചെന്നൈ, തിരുവള്ളൂര്‍ ജില്ലകളിലായി പ്രളയ മുന്നറിയിപ്പ് പ്രഖ്യാപിച്ചിട്ടുണ്ട്. ചെന്നൈയുടെ തെക്കന്‍ പ്രദേശങ്ങളില്‍ ദുരന്തബാധിത പ്രദേശങ്ങളിലെ രക്ഷാപ്രവര്‍ത്തനങ്ങള്‍ ഏകോപിപ്പിക്കുന്നതിനായി ബോട്ടുകള്‍ സജ്ജമാക്കിയിട്ടുണ്ട്. ചൊവ്വാഴ്ച്ച നാല് ജില്ലകള്‍ക്ക് റെഡ് അലര്‍ട്ട് പ്രഖ്യാപിച്ചിട്ടുണ്ട്.

ALSO READ: ചരിത്രത്തിലെ കൊളോണിയൽ വിരുദ്ധ പടനായകനെ ഹിന്ദുത്വവാദികൾ മതഭ്രാന്തനാക്കിയത് എന്തിന്? നമ്മൾ അറിഞ്ഞിരിക്കേണ്ട ടിപ്പു സുൽത്താൻ | Tipu Sultan 

അതേസമയം ചെന്നൈയില്‍ തുടര്‍ച്ചയായി ഏഴ് മണിക്കൂറോളമാണ് ഇന്ന് മഴ പെയ്തത്. ഇതോടെ വിവിധ ഇടങ്ങളില്‍ റോഡില്‍ വെള്ളക്കെട്ട് രൂപപ്പെട്ടു. മൈലാപൂര്‍, പൂനവല്ലി, ആവഡി തുടങ്ങിയ ഇടങ്ങളിലെല്ലാം റോഡില്‍ വെള്ളം കയറി. മഴക്കെടുതി മൂലം തമിഴ്‌നാട്ടില്‍ നാല് മരണങ്ങള്‍ റിപ്പോര്‍ട്ട് ചെയ്തിട്ടുണ്ട്. മയിലാട്തുറെ, തുരാരൂര്‍, നാഗപട്ടണം തുടങ്ങി ഡെല്‍റ്റ ജില്ലകളില്‍ കനത്ത കൃഷിനാശം ഉണ്ടായി. നാളെ രാവിലെ എട്ടുമണിവരെ ചെന്നൈയില്‍ മഴ തുടരുമെന്നാണ് കാലാവസ്ഥ വകുപ്പിന്റെ അനുമാനം.

warning of heavy rain in tamil nadu in the coming days: due to a deep depression formed over the southwest bay of bengal and the northern tamil nadu and puducherry coasts, heavy rain is likely in thiruvallur and chennai districts until tuesday.