ദുബൈ: വിൻ്റർ ഇക്വസ്‌ട്രിയൻ ഫോറത്തിന്റെ (ശീതകാല കുതിരയോട്ട കൂട്ടായ്മ) പത്താം പതിപ്പ് ആരംഭിച്ച് ദുബൈ പൊലിസ്. 300 വിദ്യാർഥികളാണ് രണ്ട് ആഴ്ച നീണ്ടുനിൽക്കുന്ന ഈ പരിപാടിയിൽ പങ്കെടുത്തത്.

യുവജനങ്ങൾ അവരുടെ വിന്റർ അവധിക്കാലം ഉൽപാദനക്ഷമമായി ഉപയോഗിക്കാനും, അവർക്ക് കുതിരയോട്ട വൈദഗ്ധ്യവും ദേശീയ മൂല്യങ്ങളും പഠിപ്പിക്കാനുമാണ് ഈ പരിപാടി ലക്ഷ്യമിടുന്നത്.

മൗണ്ടഡ് പൊലിസ് സ്റ്റേഷൻ സംഘടിപ്പിച്ച ഈ ഫോറം അൽ അവീർ കേന്ദ്രത്തിൽ വെച്ച് ഉദ്ഘാടനം ചെയ്തു. മൗണ്ടഡ് പൊലിസ് സ്റ്റേഷൻ ഡയറക്ടർ ലെഫ്റ്റനൻ്റ് കേണൽ ധാഹി അൽ ജല്ലാഫ്, ഡെപ്യൂട്ടി മേജർ ഹമദ് അൽ ഷംസി, സ്പെഷ്യൽ ഓഫിസർമാർ, കുതിരകളെ പരിപാലിക്കുന്ന ജീവനക്കാർ, പങ്കെടുത്ത വിദ്യാർഥികൾ എന്നിവർ ചടങ്ങിൽ പങ്കെടുത്തു. 

ALSO READ: മസ്‌കത്ത് വിമാനത്താവളത്തിലെ ടാക്‌സി സേവനങ്ങൾക്ക് ഇനി മുതൽ പുതിയ ഇടം

ദുബൈ പൊലിസ് കമാൻഡർ-ഇൻ-ചീഫ് ലെഫ്റ്റനൻ്റ് ജനറൽ അബ്ദുല്ല ഖലീഫ അൽ മർറിയുടെ നിർദ്ദേശ പ്രകാരണ് ഈ സംരംഭം എന്ന് ലെഫ്റ്റനൻ്റ് കേണൽ അൽ ജല്ലാഫ് വ്യക്തമാക്കി. സമൂഹത്തിലെ എല്ലാ വിഭാഗങ്ങളുമായും, പ്രത്യേകിച്ച് യുവജനങ്ങളുമായുള്ള ബന്ധം ശക്തിപ്പെടുത്താനും, ഒഴിവ് സമയം പ്രയോജനകരമായ കാര്യങ്ങളിൽ നിക്ഷേപിക്കാൻ അവരെ പ്രോത്സാഹിപ്പിക്കാനും ഇത് സഹായിക്കും.

യുവജന വികസനത്തിനായുള്ള സമഗ്രമായ പരിപാടി

പരിശീലനം നേടിയ വിദഗ്ധർ വിദ്യാർഥികൾക്ക് നേരിട്ടുള്ള പരിശീലനം നൽകും. ഇതിലൂടെ സിദ്ധാന്തപരമായ അറിവും പ്രായോഗിക വൈദഗ്ധ്യവും നേടാൻ അവർക്ക് സാധിക്കും. പത്താം വർഷത്തിലേക്ക് കടക്കുമ്പോൾ, ഈ ഫോറം അതിൻ്റെ വിജയവും സംരംഭത്തിലുള്ള രക്ഷിതാക്കളുടെ വിശ്വാസവുമാണ് തെളിയിക്കുന്നത്.

ടീം വർക്ക്, സാമൂഹിക ബന്ധം, വ്യക്തിഗത വികസനം എന്നിവ പ്രോത്സാഹിപ്പിക്കുന്നതിനായി വിനോദം, കായികം, സാംസ്കാരികം, ബോധവൽക്കരണം എന്നിവ നിരവധി പ്രവർത്തനങ്ങൾ ഈ പരിപാടിയിൽ ഉൾപ്പെടുത്തിയിട്ടുണ്ട്.

ALSO READ: റോഡ് അറ്റകുറ്റപ്പണി; ഷെയ്ഖ് സായിദ് ബിൻ സുൽത്താൻ സ്ട്രീറ്റ് ഭാ​ഗികമായി അടച്ചു; ദുബൈ, ഷാർജ നഗരങ്ങളിൽ ഗതാഗതക്കുരുക്ക്

ബോധവൽക്കരണ, ക്രിയേറ്റീവ് വർക്ക്‌ഷോപ്പുകൾ

മയക്കുമരുന്ന് ഉപയോഗത്തിന്റെ അപകടങ്ങൾ, വുദീമയിലെ ബാലാവകാശ നിയമം, സുരക്ഷിതമായ സോഷ്യൽ മീഡിയ രീതികൾ തുടങ്ങിയ വിഷയങ്ങൾ ഉൾക്കൊള്ളുന്ന ദുബൈ പൊലിസിൻ്റെ ഹെമയ ഇൻ്റർനാഷണൽ സെൻ്ററുമായി സഹകരിച്ച് സംഘടിപ്പിച്ച സെഷനുകളെക്കുറിച്ച് മേജർ അൽ ഷംസി എടുത്തുപറഞ്ഞു. 

വിദ്യാർഥികളിലെ കലാപരമായ കഴിവുകൾ കണ്ടെത്താൻ സ്റ്റുഡിയോ അൽ സുന്നയുമായി സഹകരിച്ച് ക്രിയേറ്റീവ് വർക്ക്‌ഷോപ്പുകൾ നടത്തി. കൂടാതെ, ആഡംബര പൊലിസ് പട്രോൾ വാഹനങ്ങളുടെ പ്രദർശനം, പൊലിസ് ഭാഗ്യചിഹ്നങ്ങളായ മൻസൂറിൻ്റെയും അമീനയുടെയും അവതരണങ്ങൾ, സുരക്ഷാ പരിശോധനാ വിഭാഗത്തിൽ നിന്നുള്ള കെ9 ടീമുകളുമായുള്ള തത്സമയ സെഷനുകൾ എന്നിവയും സംഘടിപ്പിച്ചിരുന്നു. 

Dubai Police has kicked off the 10th edition of the Winter Equestrian Forum, a two-week program featuring 300 students, focusing on equestrian skills and community engagement.