മണ്ണാര്‍ക്കാട്: നഗരസഭയിലെ കുന്തിപ്പുഴ വാര്‍ഡിലെ എല്‍.ഡി.എഫ് സ്വതന്ത്ര സ്ഥാനാര്‍ഥിക്ക് കിട്ടിയത് വെറും ഒരു വോട്ട് മാത്രം. സ്വതന്ത്ര സ്ഥാനാര്‍ഥികള്‍ക്ക് ലഭിച്ച വോട്ടുകള്‍ പോലും നേടാനാകാതെ ഒരു വോട്ടിലേക്ക് ചുരുങ്ങിയതിന്റെ ഞെട്ടലില്‍ നിന്ന് ഇനിയും മോചിതനായിട്ടില്ല ഫിറോസ് ഖാന്‍. ഒപ്പം നിന്നവര്‍ പോലും വോട്ട് ചെയ്തില്ലെന്ന് തിരിച്ചറിയുകയാണിപ്പോള്‍. നാമനിര്‍ദ്ദേശപത്രിക സമര്‍പ്പിച്ചവരും പത്രികയില്‍ പിന്തുണച്ചവരും മുന്നണി സ്ഥാനാര്‍ഥിയായി നിശ്ചയിച്ചവരുമെല്ലാം അപ്പോ ആര്‍ക്കാണ് വോട്ട് ചെയ്തിരിക്കുക. ആശ്ചര്യം മാത്രമാണ് ഫിറോസിന് ബാക്കി. 

യു.ഡി.എഫ് സ്ഥാനാര്‍ഥി മുസ് ലിം ലീഗിലെ കെ.സി അബ്ദുറഹ്‌മാന്‍ 301 വോട്ടിന്റെ ഭൂരിപക്ഷത്തിലാണ് വാര്‍ഡില്‍ വിജയിച്ചത്. വെല്‍ഫയര്‍ പാര്‍ട്ടിയുടെ പിന്തുണയോടെ മത്സരിച്ച സ്വതന്ത്ര സ്ഥാനാര്‍ഥി സിദ്ധിഖിന് 179 വോട്ട് ലഭിച്ചു. മറ്റൊരു സ്വതന്ത്ര സ്ഥാനാര്‍ഥി ഫൈസല്‍ കുന്തിപ്പുഴ 65 വോട്ടും നേടി. സ്വതന്ത്ര സ്ഥാനാര്‍ഥികള്‍ക്ക് ലഭിച്ച വോട്ടുകള്‍ പോലും എല്‍.ഡി.എഫ് സ്വതന്ത്ര സ്ഥാനാര്‍ഥിയായ ഫിറോസ് ഖാന് നേടാനായില്ല.

In a shocking incident from Mannarkkad Municipality, the LDF-backed independent candidate Firoz Khan received just a single vote in the Kunthipuzha ward election. The result left the candidate stunned, as even those who proposed and supported his nomination seemingly did not vote for him.