കല്‍പ്പറ്റ: വയനാട് സി.പി.എമ്മിലെ സംഘടനാ പ്രശ്‌നങ്ങള്‍ പൊട്ടിത്തെറിയിലേക്ക്. സി.പി.എം നേതാവും പൂതാടി പഞ്ചായത്തംഗവുമായ എ.വി ജയന്‍ പാര്‍ട്ടി വിട്ടു. പാര്‍ട്ടിയിലെ ചില നേതാക്കളുടെ കൊള്ളരുതായ്മക്കെതിരേ പ്രതികരിച്ചതിനെ തുടര്‍ന്ന് തന്നെ തകര്‍ക്കാന്‍ പാര്‍ട്ടിയില്‍ ശ്രമം നടക്കുന്നതായി എ.വി ജയന്‍ പറഞ്ഞു.

കല്‍പ്പറ്റയിലെ രണ്ട് ജില്ലാ നേതാക്കളും പുല്‍പള്ളിയിലെ ഒരുനേതാവുമാണ് തനിക്കെതിരേ പ്രവര്‍ത്തിക്കുന്നത്. നേതാക്കള്‍ക്കെതിരേ പ്രതികരിച്ചതിന് പിന്നാലെയാണ് തനിക്കെതിരേ നടപടിയുണ്ടായത്.

തെരഞ്ഞെടുപ്പില്‍ തന്നെ തോല്‍പ്പിക്കാന്‍ ശ്രമമുണ്ടായെന്നും സ്വകാര്യ പ്രാദേശിക ചാനലിന് നല്‍കിയ അഭിമുഖത്തില്‍ അദ്ദേഹം പറഞ്ഞിരുന്നു. 

ചില പാര്‍ട്ടി പ്രവര്‍ത്തകര്‍ കോണ്‍ഗ്രസുമായി ചേര്‍ന്ന് തന്നെ പരാജയപ്പെടുത്താന്‍ ശ്രമിച്ചു. പാര്‍ട്ടിയുടെ സംഘടനാ സംവിധാനത്തില്‍ തുടരില്ലെന്നും ജനങ്ങള്‍ തന്നില്‍ അര്‍പ്പിച്ച വിശ്വാസം കാത്തുസൂക്ഷിച്ച് പഞ്ചായത്തംഗമായി തുടരും. പാര്‍ട്ടി മാറ്റം ഉടനില്ലെന്നും ബി.ജെ.പിയിലേക്ക് പോകില്ലെന്നും അദ്ദേഹം കൂട്ടിച്ചേര്‍ത്തു.

A major crisis has erupted within the CPI(M) in Wayanad as senior leader and Poothadi Panchayat member A.V. Jayan resigned from the party. Jayan alleged that disciplinary action was taken against him after he raised objections to the misconduct of certain party leaders