പത്തനംതിട്ട: സ്വന്തം അമ്മയുടെ തലയ്ക്ക് നേരെ തോക്കുചൂണ്ടി കൊല്ലുമെന്ന് ഭീഷണിപ്പെടുത്തിയ ശേഷം വീടും സ്വത്തും തട്ടിയെടുക്കാൻ ശ്രമിച്ച മകനെയും മരുമകളെയും അടൂർ പൊലിസ് അറസ്റ്റ് ചെയ്തു. പള്ളിക്കൽ വില്ലേജിലെ ആനയടി പി.ഒ വിലാസത്തിൽ ചെറുകുന്ന് ലിസി ഭവനിൽ താമസിക്കുന്ന കെ.എ. എബ്രഹാമിന്റെ ഭാര്യ ലിസി (65) യ്ക്ക് നേരെയാണ് മകനും മരുമകളും ചേർന്ന് ഭീഷണിപ്പെടുത്തിയത്.

ALSO READ: അച്ഛൻ മരിക്കുന്നതിന് മുമ്പ് വിളിച്ചിരുന്നു പക്ഷേ വേണ്ടതു പോലെ സംസാരിക്കാൻ കഴിഞ്ഞിരുന്നില്ല; അച്ഛന്റെ വേർപാടിൽ വൈകാരികമായ കുറിപ്പ് പങ്കുവെച്ച് യുവാവ്

ലിസിയുടെ രണ്ടാമത്തെ മകൻ ജോറിൻ വർ​ഗീസും ഭാര്യ ഷൈനിയുമാണ് തോക്കുമായി വീട്ടിലെത്തി അതിക്രമം കാണിച്ചത്. മക്കളുടെ പേർക്ക് വീടും സ്വത്തും എഴുതിക്കൊടുക്കണമെന്ന് ആവശ്യപ്പെട്ട് തലയ്ക്ക് നേരെ തോക്ക് ചൂണ്ടി കൊല്ലുമെന്ന് ഭീഷണിപ്പെടുത്തുകയായിരുന്നുവെന്ന് ലിസി പൊലിസിനോട് വ്യക്തമാക്കി. ഈ സമയത്ത് വീട്ടിൽ ഉണ്ടായിരുന്ന ഇളയ മകൻ ഐറിനാണ് പൊലിസിനെ വിളിച്ചറിയിച്ചത്. വിവരമറിഞ്ഞ് ഉടൻ പൊലിസ് വീട്ടിലെത്തിയതിനാലാണ് ലിസിയെ രക്ഷപ്പെടുത്താനായത്. 

ALSO READ: ഭക്ഷണം കഴിച്ച ശേഷം ​ഹോട്ടലിൽ തുകയായി നൽകുന്നത് ചില്ലറകൾ; എണ്ണി തിട്ടപ്പെടുത്തുന്നതിനിടെ നേർച്ചപ്പെട്ടിയുമായി കടന്നുകളയും; മോഷ്ടാവ് പിടിയിൽ

30 വർഷത്തോളം ഗൾഫിലും അമേരിക്കയിലുമായി ജോലി ചെയ്ത ശേഷം നാല് മാസം മുമ്പാണ് ലിസിയും ഭർത്താവും നാട്ടിലെത്തിയത്. ഇവർക്ക് മൂന്ന് ആൺമക്കളാണ് ഉള്ളത്. മൂത്ത മകൻ സന്തോഷ് ഗോവയിലും, ജോറിനും ഷൈനിയും, ഇളയ മകൻ ഐറിനും ഭാര്യ രാജിയും ഇടുക്കിയിലാണ് താമസിക്കുന്നത്.

സംഭവസമയത്ത് ഇളയ മകൻ ഐറിനും ഭാര്യയും മറ്റൊരു മുറിയിൽ ഉണ്ടായിരുന്നു. മൂത്ത മകൻ ജോറിനും ഭാര്യ ഷൈനിയും സ്വത്ത് എഴുതിക്കൊടുക്കണമെന്ന് ആവശ്യപ്പെട്ട് ലിസിയുടെ മുറിയിലെത്തി ഭീഷണിപ്പെടുത്തി. തോക്ക് ചൂണ്ടിയതോടെ ഭയന്നുപോയ ലിസി സ്വത്ത് എഴുതിക്കൊടുക്കാമെന്ന് പറഞ്ഞതോടെ മകനും ഭാര്യയും അടുക്കള ഭാഗത്തേക്ക് പോയി. ഈ സന്ദർഭം മുതലാക്കി ഇളയ മകൻ ഐറിൻ പൊലിസിനെ വിവരമറിയിക്കുകയായിരുന്നു.
 
അടൂർ പൊലിസ് ഉടൻ സ്ഥലത്തെത്തി ജോറിനെ കസ്റ്റഡിയിലെടുത്തു. തുടർന്ന് ലിസിയുടെ മൊഴി രേഖപ്പെടുത്തിയ സബ് ഇൻസ്പെക്ടർ സുനിൽകുമാർ ഡി. കേസ് രജിസ്റ്റർ ചെയ്തു. അന്വേഷണത്തിൽ മകന്റെ പക്കലിൽ നിന്ന് തോക്കുകൾ കണ്ടെടുത്തു. അറസ്റ്റ് രേഖപ്പെടുത്തിയ ജോറിനെ കോടതിയിൽ ഹാജരാക്കി, തുടർനടപടികൾ പുരോഗമിക്കുകയാണ്.

In Pathanamthitta, a son and his wife were arrested for threatening his mother with a gun to seize her property. The couple, who demanded the house and assets be transferred to their children, were thwarted when the younger son alerted the police. The mother, who returned from 30 years abroad, faced the ordeal at her home in Pallickal village. The police recovered the weapon and registered a case.