തിരുവനന്തപുരം: തിരുവനന്തപുരം സ്വദേശിയായ മലയാളി ഡോക്ടർ അവിഷോ ഡേവിഡിനെ (32) മെഡിക്കൽ കോളേജിലെ ഹോസ്റ്റൽ മുറിയിൽ മരിച്ച നിലയിൽ കണ്ടെത്തിയ സംഭവത്തിൽ ദു​രൂഹത തുടരുന്നു. ഉത്തർപ്രദേശിലെ ഗോരഖ്പൂർ ബാബാ രാഘവ് ദാസ് (ബിആർഡി) മെഡിക്കൽ കോളജിലെ പിജി അനസ്തേഷ്യ വിദ്യാർത്ഥിയാണ് അവിഷോ. വെള്ളിയാഴ്ച രാവിലെ 10 മണിയോടെയാണ് ഹോസ്റ്റൽ മുറിയിൽ മരിച്ച നിലയിൽ അവിഷോയെ കണ്ടെത്തിയത്.

അനസ്തേഷ്യ വിഭാഗത്തിൽ ഡ്യൂട്ടിക്ക് എത്താതിരുന്നതിനെ തുടർന്ന് സഹപ്രവർത്തകർ അന്വേഷിച്ചപ്പോൾ, മുറിയുടെ വാതിൽ അകത്ത് നിന്ന് പൂട്ടിയ നിലയിലായിരുന്നു. ജനാലയിലൂടെ നോക്കിയപ്പോൾ ഡോ. അവിഷോ കട്ടിലിൽ കിടക്കുന്നതാണ് കണ്ടത്. വിളിച്ചിട്ടും പ്രതികരണം ലഭിക്കാത്തതിനാൽ സഹപ്രവർത്തകർ വാതിൽ തകർത്ത് അകത്ത് കടക്കുകയായിരുന്നു. മുറിയിൽ വെക്യൂറോണിയം ബ്രോമൈഡ് എന്ന ശക്തമായ മരുന്നിന്റെ സാനിധ്യവും സിറിഞ്ചും കണ്ടെത്തി. ആത്മഹത്യയെന്നാണ് പൊലീസിന്റെ പ്രാഥമിക നിഗമനം. എന്നാൽ, മരണകാരണം പോസ്റ്റ്മോർട്ടം റിപ്പോർട്ടിന് ശേഷം മാത്രമേ വ്യക്തമാകൂവെന്ന് ഗോരഖ്പൂർ സിറ്റി എസ്പി അഭിനവ് തിവാരി പറഞ്ഞു.

ALSO READ: പ്രായപൂർത്തിയാകാത്ത പെൺകുട്ടിക്ക് നേരെ ലൈംഗികാതിക്രമം: സിപിഐ എം നഗരസഭ ചെയർമാൻ അറസ്റ്റിൽ

കുടുംബം ഉന്നയിക്കുന്ന സംശയങ്ങൾ

മകൻ ആത്മഹത്യ ചെയ്യേണ്ട യാതൊരു സാഹചര്യവും കുടുംബത്തിലില്ലെന്ന് ഡോ. അവിഷോയുടെ അച്ഛൻ ഡേവിഡ് പറഞ്ഞു. വരുന്ന 19-ന് നാട്ടിലേക്ക് വരാൻ ടിക്കറ്റ് ബുക്ക് ചെയ്തിരുന്നതായും അദ്ദേഹം വ്യക്തമാക്കി. തിരുവനന്തപുരം മെഡിക്കൽ കോളജിൽ പിജി വിദ്യാർത്ഥിനിയായ ഭാര്യ ഡോ. നിമിഷയുടെ പ്രസവവുമായി ബന്ധപ്പെട്ടാണ് അവിഷോ നാട്ടിലേക്ക് വരാൻ ഒരുങ്ങിയിരുന്നത്. “മെഡിക്കൽ കോളജുകളിൽ ജോലിസമ്മർദം മൂലം പലരും വിഷമിക്കുന്നതായി വാർത്തകൾ വന്നിട്ടുണ്ട്. അവിഷോയുടെ മരണം വിശദമായി അന്വേഷിക്കണം,” കുടുംബം ആവശ്യപ്പെട്ടു.

ALSO READ: വിസ കാലാവധി കഴിഞ്ഞ റഷ്യൻ യുവതിയും കുട്ടികളും കർണാടകയിലെ ഗുഹയിൽ : ആത്മീയ ധ്യാനത്തിലായിരുന്നുവെന്ന് യുവതി

സംഭവത്തിന്റെ വിശദാംശങ്ങൾ

വെള്ളിയാഴ്ച രാവിലെ, ഡ്യൂട്ടി സമയമായിട്ടും അവിഷോ അനസ്തേഷ്യ വിഭാഗത്തിൽ എത്താത്തതിനെ തുടർന്ന് വകുപ്പ് മേധാവി ഡോ. സതീഷ് കുമാറിന്റെ നിർദേശപ്രകാരമാണ് ജീവനക്കാർ ഹോസ്റ്റലിലെ 25-ാം നമ്പർ മുറിയിൽ എത്തിയത്. വാതിൽ അകത്ത് നിന്ന് പൂട്ടിയ നിലയിലായിരുന്നു. തകർത്ത് അകത്ത് കടന്നപ്പോൾ അവിഷോ കിടക്കയിൽ മരിച്ച നിലയിൽ കാണുകയായിരുന്നു. മുറി സീൽ ചെയ്ത് ഫോറൻസിക് പരിശോധന ആരംഭിച്ചിട്ടുണ്ട്. അവിഷോയുടെ ലാപ്‌ടോപ്പ് ഡിജിറ്റൽ പരിശോധനക്കായി പിടിച്ചെടുത്തു. കുടുംബത്തിന് അയച്ച ഇമെയിലുകളും പരിശോധിക്കുന്നുണ്ട്. ആത്മഹത്യാ കുറിപ്പ് കണ്ടെത്തിയിട്ടില്ല.

ആരായിരുന്നു ഡോ. അവിഷോ?

ബിആർഡി മെഡിക്കൽ കോളജിൽ അനസ്തേഷ്യ വിഭാഗത്തിൽ മൂന്നാം വർഷ പിജി വിദ്യാർത്ഥിയും ജൂനിയർ റസിഡന്റ് ഡോക്ടറുമായിരുന്നു അവിഷോ. വിവാഹിതനായ അവിഷോ തനിച്ചാണ് ഹോസ്റ്റലിൽ താമസിച്ചിരുന്നത്. ഭാര്യ ഡോ. നിമിഷ, തിരുവനന്തപുരം മെഡിക്കൽ കോളജിൽ പിജി വിദ്യാർത്ഥിനിയാണ്. ഗർഭിണിയായ അവർക്കൊപ്പം ഉടൻ നാട്ടിലേക്ക് മടങ്ങാൻ അവിഷോ പദ്ധതിയിട്ടിരുന്നു. “സമർപ്പിതനും മൃദുസ്വഭാവിയുമായ ഒരു ഡോക്ടറായിരുന്നു അവിഷോ,” സഹപ്രവർത്തകർ പറഞ്ഞു. പോസ്റ്റ്മോർട്ടം നടപടികൾ പൂർത്തിയാക്കി മൃതദേഹം നാട്ടിലേക്ക് കൊണ്ടുപോകും. കുടുംബാംഗങ്ങൾ ഗോരഖ്പൂരിലെത്തിയിട്ടുണ്ട്. അവിഷോയുടെ അകാല വിയോഗം മെഡിക്കൽ കോളജ് കാമ്പസിൽ ഞെട്ടലും ദുഃഖവും സൃഷ്ടിച്ചിരിക്കുകയാണ്.

A 32-year-old Malayali doctor, Dr. Avisho David, was found dead in his hostel room at BRD Medical College, Gorakhpur, on Friday morning. Preliminary findings suggest suicide, with a syringe and vials of a neuromuscular-blocking drug found at the scene. His father, David, denies any family circumstances that could lead to suicide, noting that Avisho had booked tickets to return to Thiruvananthapuram on July 19 for his wife’s delivery. Police are investigating, and a postmortem is underway